བོད་ལྗོངས་མདོ་སྨད་ཆོལ་ཁའི་དྲ་བ།

གསར་འགོད་གསལ་བསྒྲགས།

པར་འདེབས། PDF

༄༅། ། ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་༡༡༣འཚོ་བཞུགས་གནང་རྒྱུ་ལུང་དང་བརྟག་པ།མགོན་པོ་གང་གི་ཞལ་བཞེས་ཡོངས་གྲགས་སུ་ཡོད་མུས་རྩེ་མཐུན་ཐོག  ཉེ་ལམ་གནས་མཆོག་རྡོ་རྗེ་གདན་དུ་དུས་འཁོར་དབང་ཆེན་ཐེངས་ ༣༤ སྩོལ་སྐབས་སླར་ཡང་སྐུ་ཚེ་ཡུན་དུ་བརྟན་

པའི་བཀའ་བཞེས་གནང་སྟེ།གཞིས་བྱེས་བོད་མི་ཡོངས་དང་། འཛམ་གླིང་ཡུལ་གྲུ་སོ་སོར་གནས་འཁོད་ནང་པའི་རྗེས་འཇུག་དང་། བོད་དང་བོད་མིར་བརྩེ་ཞེན་འཆང་མཁན་རྣམས་ཀྱིས་དགའ་ཚོར་དང་། ཡིད་སྨོན་ཞུ་བཞིན་པའི་སྐབས་འདིར།ཀླུ་མཁར་བྱམས་ཀྱིས་བོད་རིག་པའི་ཞིབ་འཇུག་པ་ཞིག་ལ་རྗེས་དྲན་རྩོམ་ཡིག་ཅིག་བྲིས་པའི་ཁ་བྱང་དུ་དགུང་ལོ་ ༡༡༣ ལ་བཞུགས་དགོས་པའི་མི་དེ་ཁྱེད་ཡིན་ཞེས་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་བརྟན་རྒྱུར་ཁོ་བོས་ཟུར་ཟ་ངན་དམོད་བྱས་འདུག་པ་དེས་༸གོང་ས་༸སྐྱབས་མགོན་ཆེན་པོ་མཆོག་ལ་དད་ཞེན་དང་བརྩི་བཀུར་ཞུ་མཁན་ཡིན་ནོ་ཅོག་ལ་བཟོད་ཐབས་མེད་པའི་བློ་ཕམ་བཟོས་བྱུང་ཞེས་ས་གནས་རྒྱུན་ལས་ཁག་དང་།གཞིས་བྱེས་གཉིས་ཀྱི་མི་སྣ་གང་མང་ཞིག་གིས་ཡིག་ངག་གཉིས་ཐོག་ནས་སེམས་ཚོར་ཆེན་པོས་དྲི་བརྩད་དང་།བསམ་ཚུལ་འདོན་གླེང་། གཞེན་བསྐུལ་ཅི་རིགས་བཅས་རིམ་བསྟུད་དུ་འབྱོར་དང་འབྱོར་མུས་ལ་བརྟེན།མདོ་སྨད་དབུས་རྒྱུན་ལྷན་འཛོམས་ཐོག་ཞིབ་འཇུག་དང་། གོ་བསྡུར་སྦྱངས་བཤད་བགྱིས་ཏེ་གསལ་བསྒྲགས་སྤེལ་རྒྱུ་གཤམ་གསལ།

  • ༸གོང་ས་མཆོག་ལ་ངོ་རྒོལ་བྱེད་མཁན་གང་ན་སུ་ཡོད་ལ་གདོང་ལེན་བྱ་རྒྱུ་མདོ་སྨད་ཚོགས་ཆེན་སྔ་རྗེས་ཀྱི་སྤྱི་མོས་གྲོས་ཆོད་ཡིན་པས།གྲོས་ཆོད་ཀྱི་དགོངས་དོན་ལག་བསྟར་བྱ་རྒྱུ་མདོ་སྨད་དབུས་རྒྱུན་གྱི་གཡོལ་དུ་མེད་པའི་ལས་འགན་ཡིན།
  • བོད་དང་བོད་མིའི་རྩ་དོན་དང་བདེ་ཐབས་ནི་༸གོང་ས་མཆོག་གི་སྐུ་ཚེའི་མཛད་འཕྲིན་གྱི་རྗེས་སུ་འགྲོ་ལྡོག་བྱེད་པ་ གྲགས་ཤིང་གྲུབ་པ་ལགས་ན།༸གོང་ས་མཆོག་ལ་མཚན་སྨད་དང་འཁུ་ལྡོག་བྱེད་པའི་གཏམ་སྤྱོད་ལ་མཐའ་གཅིག་ཏུ་ངོ་རྒོལ་བྱ་རྒྱུ།
  • ཀླུ་མཁར་བྱམས་ཀྱིས་བྲིས་པའི་ལོ་༡༡༣ལ་བཞུགས་དགོས་པའི་མི་དེ་ཁྱོད་ཡིན་ཟེར་བ་འདི་ཡོངས་གྲགས་སུ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་༡༡༣བཞུགས་རྒྱུའི་སྐུ་ཚེ་ལ་དམོད་བཏབ་པ་ཞིག་ཏུ་ངོས་འཛིན་བྱེད་པ་ལྟར།སྐད་ཆ་དེས་༸གོང་ས་མཆོག་ལ་དད་མོས་ཞུ་མཁན་རྣམས་དང་རྒྱལ་སྤྱིའི་ནང་མགོན་པོ་མཆོག་ལ་ཆེ་
    མཐོང་ཞུ་མཁན་ཡོངས་ཀྱི་སེམས་ཚོར་དང་བརྩེ་གདུང་ལ་གནོད་ཚབས་ཆེན་པོ་བཟོས་ཡོད་པ་གོར་མ་ཆག
  • ཀླུ་མཁར་བྱམས་ཀྱིས་རྩོམ་ཡིག་སྔ་རྗེས་སྤེལ་བའི་ནང་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་། གཞི་མེད་སྐྱོན་འཛུགས་ཇི་སྙེད་ཅིག་ཞུས་ཡོད་པ་དེ་དག་མདོ་སྨད་དབུས་རྒྱུན་ལས་སྐབས་བཅུ་བཞི་པས་དོ་བདག་འབོད་འགུག་གིས་གོ་བསྐོན་སློབ་སྟོན་བྱས་ཡོད་ཀྱང་། ད་དུང་ལམ་ནོར་ལྡོག་ཤེས་མེད་པའི་བྱ་སྤྱོད་མུ་མཐུད་བྱས་དང་བྱེད་བཞིན་པ་ནི་དགྲ་བོའི་གཡོ་ཁྲམ་འོག་ཚུད་པའི་དགྲ་དགའ་གཉེན་སྡུག་གི་ལས་དང་གྲོད་པ་ནང་བསྟེན་དང་བློ་ཕྱི་གཏད་ཀྱིས་བྱ་སྤྱོད་ལས་མ་འདས།
  • བོད་དང་བོད་མིའི་ངོ་བོ་དང་མཚོན་རྟགས་སུ་ངེས་ཤིང་།འཛམ་གླིང་ཁྱོན་འདིར་ཞི་བདེ་དང་།ཆོས་ལུགས་འཆམ་མཐུན།བྱམས་བརྩེའི་བཟང་སྤྱོད་དར་སྤེལ་གྱི་དབུ་ཁྲིད་འགྲན་ཟླ་མེད་པ་༸གོང་ས་༸སྐྱབས་མགོན་ཆེན་པོ་མཆོག་ལ་མཚན་སྨད་དང་།གཞི་མེད་སྐྱོན་འཛུགས་ཀྱི་སྤྱོད་ངན་ལ་ཀླུ་མཁར་བྱམས་ཀྱིས་སྔར་བཤགས་ཕྱིས་འདོམས་དགོས་པའི་སྐུལ་མ་འདེབས་རྒྱུ།
  • བཙན་བྱོལ་བོད་མིའི་ཚོགས་སྡེ་ཁག་གིས་བོད་མིའི་རྩ་དོན་དང་། བོད་མིའི་བདེ་ཐབས་ལ་གནོད་འགལ་གྱི་བྱ་སྤྱོད་སྤེལ་མཁན་ལ་མཐུན་འགྱུར་དང་རོགས་རམ་སྦྱོར་སྤྲོད་སོགས་མི་གནང་རྒྱུའི་འབོད་སྐུལ་ཞུ་རྒྱུ་དང་།
  • གཉན་འཕྲང་གི་དུས་འདིར།བོད་མི་ཚང་མས་དོན་མེད་ཕྱོགས་ལྷུང་འཐེན་ཁྱེར་དང་།སྤྱི་ཚོགས་ཞི་ལྷིང་ཐད་འགལ་རྐྱེན་བཟོ་མཁན་དག་ལ་བག་ཟོན་གནང་སྟེ།སྤྱི་དོན་ཐོག་ཕྱར་གྲུ་མཉམ་འདེགས་དང་།༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དབུ་འོག་དཔུང་འདེགས་ཞུ་རྒྱུའི་གཞེན་སྐུལ་ཡང་ཞུ་རྒྱུ་བཅས།

བོད་ལྗོངས་མདོ་སྨད་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་ནས།

ཕྱི་ལོ་ ༢༠༡༧ ཟླ་ ༠༢ ཚེས་ ༢༠ ཉིན།


image2image1 2

མཆན།

  • གནས་སྐབས་སུ་མཆན་མི་འདུག

ཁྱེད་འདིར་མཆན་སྤེལ་བར་ཕེབས་པར་དགའ་བསུ་ཞུ།

སྐུ་མགྲོན།
གཟའ་ཕུར་བུ།, /09/ 21, 2017
0 ཡིག་འབྲུ།
མཆན་སྤེལ་ན་འདི་ངེས་པ་བྱོས།.