བོད་ལྗོངས་མདོ་སྨད་ཆོལ་ཁའི་དྲ་བ།

མཛད་སྒོ་ཁག

པར་འདེབས། PDF

གཅིག སྐྱེས་སྐར་མཛད་སྒོ།
བྱིས་པ་སྐྱེས་དུས་སྐྱེས་སྟོན་ནམ་བཙས་སྟོན་བྱེད་ཅིང་། ཁྱིམ་ཚང་རང་ཉིད་ཀྱི་རྒྱུ་ནོར་སོགས་ཀྱི་གནས་བབ་དང་བསྟུན་ཏེ་སྟོན་མོའི་རྣམ་པ་ ཆེ་ཆུང་སྣ་ཚོགས་ཡོད།

བྱིས་པ་སྐྱེས་ནས་ལོ་གཅིག་དང་ཡང་ན་ ཟླ་གཅིག་གམ་ཞག་མ་བརྒྱ་ནས་སྤེལ་བ་ཞིག་ཡིན། ཁྱིམ་ཚང་དེ་ཉིད་ཀྱི་གཉེན་ཉེ་རིང་དང་རུ་ཁ་ཁྱིམ་མཚེས་ཀྱི་ལོ་ཆུང་བྱིས་པ་རྣམས་ བོས་ཏེ་ཟས་རིགས་སྣ་ཚོགས་ཀྱི་སྡེར་ཁ་བཤམས་ནས་གླུ་ལེན་གར་རྩེད་དང་ལོ་ལོན་རྒན་ པོ་དག་གིས་ཚེ་རིང་ནད་མེད་ཀྱི་ཁ་གཡང་འབོད་པ་སོགས་ཀྱི་སྒོ་ནས་སྤེལ་བའི་གནའ་ སྲོལ་ཞིག་ཡིན།

གཉིས། ནོའུ་སྟོན་མཛད་སྒོ།

བྱིས་པ་སྐྱེས་ནས་ལོ་གསུམ་ལོན་རྗེས་བྱིས་པའི་མནོལ་ སྐྲ་བཞར་ཏེ་མནོལ་སྟོན་བྱེད་ལ་ས་ཆ་ཁ་ཤས་དང་ཁྱིམ་ཚང་རེ་ཟུང་གིས་ལོ་འཁོར་གཅིག་ གི་རྗེས་སུ་མནོལ་སྟོན་བྱེད་སྲོལ་ཀྱང་ཡོད། དེ་ཡང་བྱིས་པ་དེ་ཉིད་ཀྱི་ཨ་ཞང་ངམ་ཨ་ཁུ་གང་རུང་གིས་མནོལ་སྐྲ་བཞར་སྲོལ་ཡོད། ཕལ་ཆེ་བ་གནམ་ལོ་གསར་ཚེས་ཀྱི་ཚེས་གསུམ་ཉིན་བྱེད་ལ། བུ་ཡིན་ན་ལོ་གསར་ཚེ་གཅིག་སྟེ་སྟག་གི་ཉིན་མོར་བྱེད། བྱིས་པ་དེ་ཉིད་ཀྱི་མནོལ་སྟོན་མཛད་སྒོར་གཉེན་ཉེ་རིང་ཚང་མས་གོས་སོགས་ཀྱི་ལག་ སྐྱེས་སྟེར་སྲོལ་ཡོད། ས་ཆ་ལ་ལར་དེ་ལ་རལ་རྔ་ཟེར། མནོལ་སྐྲ་རིལ་བུ་བྱས་ནས་བྱིས་པའི་གྱོན་གོས་ཀྱི་རྒྱབ་སྟོད་དུ་འདོགས། ཉིན་དེ་ནས་བཟུང་གྲིབ་དང་མནོལ་བའི་རིགས་ཀྱིས་མ་གོས་པར་གཙང་མར་བསངས་བར་བྱེད།

གསུམ། དར་བབ་མཛད་སྒོ།

ཕོ་ལོ་བཅུ་དྲུག་དང་མོ་ལོ་བཅོ་ལྔ་ལ་དར་སྟོན་མཛད་སྒོ་ སྤེལ་བ་ཡིན་ཞིང་། མོ་ལོ་བཅོ་ལྔར་བུད་ན་ཟས་མ་ལ་མི་སློང་ཞིང་། ཕོ་ལོ་བཅོ་ལྔར་བུད་ན་བློ་ཕ་ལ་མི་འདྲི་ཞེས་པའི་དཔེ་ལྟར། བུ་མོ་ལ་སྐྲ་ཕབ་པ་དང་དར་སྟོན་བྱ་སྟེ། དར་སྟོན་གྱི་མཛད་རིམ་ཡོངས་སུ་སྤེལ་རྗེས་མི་དར་མར་ གྱུར་བ་སྤྱི་ཚོགས་ཀྱིས་ཁས་ལེན་བྱེད་པ་རེད། བུ་མོ་ནི་གཉེན་སྒྲིག་བྱས་ཆོག་ལ། བུ་ཡིན་ན་དགྲ་འདུལ་གཉེན་སྐྱོང་གི་ལས་དོན་ཐམས་ཅད་སྒྲུབ་འོས་པའི་དུས་ལ་བབས་ པའི་ངོས་འཛིན་བྱས་པ་ཞིག་ཡིན།

བཞི། གཉེན་སྟོན་མཛད་སྒོ།

གཉེན་སྒྲིག་གི་ཚད་ལ་སླེབས་ཚེ་གཉེན་སྟོན་མཛད་སྒོ་ སྤེལ་བ་ཡིན་ཞིང་། དེ་ལ་བག་མ་ཕར་ལེན་དང་མག་པ་ཚུལ་ལེན་གྱི་དབྱེ་བ་ཡོད། གཉེན་བྱེད་སྲོལ་ལ་ཕ་མས་གཉེན་རྟགས་རྒྱག་པ་དང་། ཕོ་མོ་ཕན་ཚུན་རང་དབང་གིས་གཉེན་བྱེད་པ། ཡང་ན་གཉེན་འཕྲོག་ལེན་དང་སློང་ལེན་སོགས་ཀྱི་རྣམ་གྲངས་མ་འདྲ་བ་མང་པོ་ཡོད། དེ་ལྟར་ཕན་ཚུན་འགྲིག་མཐུན་བྱུང་རྗེས་གཟའ་སྐར་འཕྲོད་སྦྱོར་ལེགས་པའི་ཉིན་མོ་ ཞིག་གཏན་ཁེལ་གྱིས་བག་མ་སྐྱེལ་བསུ་དང་མག་པ་སྐྱེལ་བསུའི་མཛད་སྒོར་བར་བ་འགྲོ་ བ། གཉེན་སློང་བ། ཉིན་ཐོག་སྐར་ཐོག་ཏུ་འཇོག་པ། རིམ་པའི་སྟོན་མོའི་ཉིན་གཡང་འབོད་དང་། ཨ་བྱང་བསུ་ལེན། མཆོད་ཁ། རྟ་རྒྱུགས། འབབ་གདན། བསང་མཆོད། སྟོན་བཤད་སོགས་གླུ་ལེན་གར་རྩེད་ཀྱི་ལམ་ནས་ཉིན་གཉིས་གསུམ་རིང་སྟོན་མོ་རྒྱ་ ཆེར་བྱེད་པའི་བོད་གནའ་བོའི་སྲོལ་རྒྱུན་ཐུན་མོང་མ་ཡིན་པ་ཞིག་ཡིན།

ལྔ། འདས་མཆོད་སྒྲུབ་ལུགས།

མི་ཞིག་ཚེ་ལས་འདས་རྗེས། ཚེ་འདས་དེའི་ཆེད་དུ་སྤེལ་བའི་མཛད་སྒོ་ཡིན་ལ། དེའང་དང་པོ་གཤིན་རྩིས་བརྒྱུད་སྐར་མ་བྱེད་ཅིང་། དུར་དུ་སྦ་ལུགས་སྣ་ཚོགས་ཡོད་དེ། འབྱུང་བ་བཞི་ཡི་མཐུན་སྦྱོར་ལ་བརྟེན་ནས་ཕྱི་སྣོད་ཀྱི་འཇིག་རྟེན་གྱི་ཁམས་ཆེན་ པོ་དང་ནང་བཅུད་ཀྱི་སེམས་ཅན་གྲུབ་པའི་རྒྱུ་མཚན་གྱིས་མི་སོགས་སེམས་ཅན་ཚེ་ལས་ འདས་དུས་ཀྱང་ཕྱིར་འབྱུང་བ་བཞི་ལ་འཐིམས་པར་འདོད། དེ་བས་རླུང་ལ་གཏོར་བའམ་བྱ་ལ་གཏོར་བ། སྦྱིན་སྲེག་བྱེད་པ། ཆུར་འཕེན་པ། ས་ལ་སྦ་བ། མཆོད་པའི་རྟེན་དུ་འཇོག་པ་སོགས་སོ། །གཉིས་པ་བདུན་འདེད་པ། དེ་ལ་ཁྱིམ་རྙིང་མ་པ་ཡིན་ན་ཞི་ཁྲོ་འདོན་པ་དང་དགེ་ལུགས་པ་ཡིན་ན་ཀུན་རིག་འདོན་ པ་སོགས་ས་དགེ་བཀའ་རྙིང་ཇོ་ནང་གཡུང་དྲུང་བོན་བཅས་པར་ཆོ་ག་སྒྲུབ་སྟངས་ཅུང་མ་ འདྲ་བ་ཡོད། སྤྱིར་བཏང་ཉིན་བདུན་ལ་བྱེད། དགུང་ཞག་ཞེ་དགུ་ཚང་རེག་བར་དུ་ཚ་གསུར་མི་ ཆད་པར་འབུལ་བ་ཡིན། ལོ་གཅིག་འཁོར་དུས་གཤིན་ཚིགས་ཞེས་དགེ་རྩ་བསྒྲུབས་རྗེས་འདུན་མི་བྱེད། དེ་མིན་རོང་ཁུལ་དུ་ལོ་འཁོར་གཅིག་ལ་འདུན་བྱེད་དེ། འབྲོག་ཁུལ་དུ་ལོ་སར་ནས་ཚེས་གསུམ་ནས་འདུན་གཏོང་བའང་ཡོད། དུར་དུ་སྦ་ལུགས་ནང་ནས་མི་དཀྱུས་མ་གང་ཞིག་རླུང་ལ་གཏོར་བ་དང་སྦྱིན་སྲེག་བྱེད་ པ་ནི་བཟང་བར་བརྩི། ཆུ་ལ་འཕེན་པ་འབྲིང་བ་དང་ཐ་མ་ ས་ལ་སྦ་བར་བརྩི། བླ་ཆེན་སྤྲུལ་སྐུ་ནི་མཆོད་རྟེན་དུ་འཇོག་པ་ཡིན་ཏེ། སྐུ་དམར་གདུང་ བྱས་རྗེས་མཆོད་རྟེན་ནང་དུ་བཞག་སྟེ། སྐྱེ་འགྲོའི་བསོད་ནམས་ཀྱི་ཞིང་དུ་བཞུགས་སོ།

གཞན་ཡང་། ཁྲི་སྟོན་མཛད་སྒོ་དང་།

ཆོས་སྟོན། ཁང་སྟོན། སྦྲ་སྟོན། མདའ་སྟོན། གྱ་སྟོན་སོགས་ཡོད་དེ། བླ་མ་གང་ཞིག་ཁྲི་ལ་མངའ་གསོལ་སྐབས་ སྟོན་མོ་མཛད་སྒོ་སྤེལ་བ་ལ་ཁྲི་སྟོན་བྱའོ། །གྱ་སྟོན་ནི་མི་ཞིག་ལོ་བརྒྱད་ཅུར་ སླེབས་པ་ལ་གྱ་སྟོན་མཛད་སྒོ་སྤེལ་བར་གོ་དགོས

མཆན།

  • གནས་སྐབས་སུ་མཆན་མི་འདུག

ཁྱེད་འདིར་མཆན་སྤེལ་བར་ཕེབས་པར་དགའ་བསུ་ཞུ།

སྐུ་མགྲོན།
གཟའ་ཟླ་བ།, /10/ 23, 2017
0 ཡིག་འབྲུ།
མཆན་སྤེལ་ན་འདི་ངེས་པ་བྱོས།.